Eńbek mınıstri azamattardy jeke máseleleri boıynsha qabyldady
Qabyldaý barysynda turǵyndar negizinen zeınetaqyny qaıta esepteý jáne tóleý, múgedek sanatyn anyqtaý, jumyspen qamtý jaılaryn kóterdi. Tamara Dúısenova ótinishterge oraı tıisti túsindirýler men jaýaptar berdi.
Mınıstrliktiń málimetterine qaraǵanda, 2013 jyly vedomstvo ókilderi áleýmettik máseleler boıynsha 29 adamdy qabyldaǵan.
Aıta keter jaıt, QR Eńbek jáne halyqty áleýmettik qorǵaý mınıstrligi men «Nur Otan» HDP Ortalyq apparatynyń qoǵamdyq qabyldaý bólmesi jyl saıyn «Jumyspen qamtý-2020» baǵdarlamasyn júzege asyrý boıynsha azamattardy «Biryńǵaı qabyldaý kúni» respýblıkalyq aktsııasyn uıymdastyrýdy dástúrge aınaldyrǵan. 28 naýryzda ótkizilgen sharaǵa jalpy sany 18 myń adam qatysqan. Onyń nátıjesi boıynsha 40 paıyzǵa jýyǵy oń sheshimin tapty: 2849 adam jumyspen qamtylsa, 1597 adam eńbekaqy tólenetin qoǵamdyq jumysqa, 931 jas maman jastar tájirıbesine, 107 adam qaıta oqytýǵa, 1257 adamǵa áleýmettik jumys oryndaryna joldama berildi, 478 adam kásibin damytý boıynsha nesıe aldy.