Eńbek mınıstri Almatydaǵy saýda úıinde boldy
ALMATY. QazAqparat - QR Eńbek jáne halyqty áleýmettik qorǵaý mınıstri Tamara Dúısenova Almatydaǵy "Almaly" saýda ortalyǵynda boldy.
Bul qaladaǵy múmkindigi shekteýli adamdarǵa qyzmet etýge beıimdelgen ortalyqtardyń biri retinde tanymal.
Qala ákiminiń orynbasary ıÝrıı Ilın, qalalyq jumyspen qamtý jáne áleýmettik baǵdarlamalar basqarmasynyń basshysy Erbol Áliqulov Eńbek jáne halyqty áleýmettik qorǵaý mınıstrin "kedergisiz orta" prıntsıpimen jumys istep kele jatqan saýda ortalyǵynyń múgedekterge qoljetimdi nysandarymen tanystyrdy.
«Bizde arbaǵa tańylǵan adamdardyń júrýine jaǵdaı jasalǵan pandýstar, arnaıy kólik turaǵy, arnaıy ájethana, arnaıy lıft, dabyl tetigi bar. Múmkindigi shekteýli jandar esikti asha almaǵan jaǵdaıda dabyl tetigin basa alady. Osy turǵydan ortalyq qyzmetkerleri arnaıy oqytýdan ótken. Olar kez kelgen jaǵdaıda kómekke ázir. Al, nashar kóretin adamdarǵa esikterdiń jaqtaýynda arnaıy sáýle shashatyn qurylǵylar ornatylǵan" - dedi saýda ortalyǵynyń basshylyǵy.
Shara sońynda Tamara Dúısenova saýda ortalyǵynyń jabdyqtalýyn óte joǵary baǵalap, osyndaı ortalyqtardyń sanyn ulǵaıtý qajettigin basa aıtty.
Sonymen qatar, mınıstr qaladaǵy múgedekterdi tasymaldaýǵa arnalǵan "Invataksı" kóligin kórdi.
"Qazir qalada osyndaı 27 kólik qyzmet etedi. Kólikter múgedekterdi tegin tasıdy. Jyl saıyn bıýdjetten aqsha bólinip, tenderden utqan kásiporyn osy jumyspen aınalysady. Invataksı parkin qarjylandyrý jaıly másele kóterilip jatyr. Kelesi jyly qarjylandyrý kólemi molaıýy múmkin" - dedi qala ákiminiń orynbasary ıÝrıı Ilın.
