Eńbek mıgranttary qaı elderden kóp keledi
ASTANA. KAZINFORM – 1 naýryzdaǵy jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 13 584 shetel azamaty eńbek etedi.
— Shetel jumys kúshin tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 569 ruqsat (birinshi sanat), qurylymdyq bólimshelerdiń basshylary úshin 2 514 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady — tıisinshe olar 4 711 jáne 1 010 adam. Sondaı-aq maýsymdyq jumystarǵa 1 217 adam, al korporatıvtik aýystyrý aıasynda 3 563 adam tartyldy, — delingen Eńbekmıni taratqan habarlamada.
Qazirgi ýaqytta Qazaqstanda ShJK paıdalanatyn 1 744 jumys berýshi bar. Olarda 377,6 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96,5% — y.
Ekonomıkalyq qyzmet túrleri boıynsha eń kóp jumys isteıtinder qurylys salasynda — 5 052 adam, aýyl, orman jáne balyq sharýashylyǵy — 1 296 adam, óńdeý ónerkásibi — 1 281 adam, taý — ken ónerkásibi jáne karerlerdi qazý — 1 263 adam, ákimshilik jáne kómekshi qyzmetter — 975 adam.
— Eńbek mıgranttary keletin negizgi elder: Qytaı — 4 945 adam, Úndistan — 1 169 adam, Túrkııa — 1 165 adam, Ózbekstan — 1 056 adam, — delingen habarlamada.
Іshki eńbek naryǵyn qorǵaý maqsatynda Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi. 2025 jyly jalpy kvota respýblıkadaǵy jumys kúshiniń sanyna qatysty 0,2%, 14,8 myń mólsherinde belgilendi.
Aıta ketelik zańsyz júrgen 1240 sheteldik azamat elden shyǵarylǵan bolatyn.