Eńbek kúshi jetkiliksiz óńirlerde bilim alýǵa arnalǵan granttar 2,5 ese kóbeıtiledi - QR BǴM
ASTANA. QazAqparat - Eńbek kúshi jetkiliksiz óńirlerdegi Joǵary oqý oryndary men kolledjderde bilim alýǵa bólinetin granttar sany 2,5 esege kóbeıtiledi. Bul týraly búgin QR Bilim jáne ǵylym mınıstri Aslan Sárinjipov vedomstvonyń keńeıtilgen alqa májilisinde aıtty.
«2014 jyly elimizdiń jumys kúshi tapshy óńirlerindegi joǵary oqý oryndary men tehnıkalyq jáne kásiptik bilim berý mekemelerine bólingen granttar sany 2050 boldy. Al 2015 jyly biz bul kórsetkishti 2,5 esege, ıaǵnı 5 myń grantqa deıin ulǵaıtýdy josparlap otyrmyz», - dep atap ótti ol.
Aıta keteıik, 2014 jyldan bastap, Qazaqstannyń jumys kúshi az óńirlerindegi maman tapshylyǵyn joıý maqsatynda «Serpin» baǵdarlamasy júzege asyryla bastaǵan bolatyn.
