Eńbek kodeksine eńbek qaýipsizdigin saqtamaǵan kásiporynnyń jumysyn ishinara toqtatatyn norma engiziledi

ASTANA. KAZINFORM –  Eńbek jáne halyqty áleýmettik qorǵaý mınıstri Svetlana Jaqypova óndiristegi eńbek qaýipsizdigin mobıldik qosymsha arqyly qadaǵalaý tetigin engizýdi usyndy.

- Biz byltyr mobıldik qosymsha ázirlegenbiz. Tótenshe jaǵdaılar mınıstrligine sol qosymshany jumys oryndaryn testileıtin mamandandyrylǵan uıymdardyń jumysyna engizýdi usynyp otyrmyz. Qazir ol uıymdar analogtyq qurylǵylarmen jumys istep júr. ıAǵnı, atmosferanyń qysymy, gazdyń úlesi, dybys tolqyndary men diril deńgeıi sııaqty jumys ornynyń qaýipsizdik dárejesinen habar beretin kórsetkishterdiń bári tsıfrlyq formatta ólshenýi kerek. Ol kórsetkishter mobıldi qosymsha arqyly Eńbek jáne halyqty áleýmettik qorǵaý, Tótenshe jaǵdaılar mınıstrlikterine túsip, onlaın rejımde jasandy zeıinniń kómegimen óńdelýi kerek. Óńdelgen málimet negizinde táýekel aımaǵy aıqyndalyp, óndiris dereý ýaqytsha toqtatylý kerek, - dedi ol Senattaǵy parlamenttik talqylaýda.

Aıtýynsha, atalǵan norma Eńbek kodeksine engizilmek.

- Áriptester bul baǵyttaǵy tsıfrlyq tehnologııalardy qoldasa, Eńbek kodeksine memlekettik ınspektsııaǵa óndiristiń qaýipti aımaǵyndaǵy jumysty toqtatý quzyretin beretin norma engizemiz. Qazir eńbek qaýipsizdigi tutas kásiporyn boıynsha baǵalanatyn bolsa, biz usynatyn ıntegraldy baǵalaý ár jumys ornynyń qaýipsizdigin qadaǵalaıdy, - dedi mınıstr.

Eske salsaq, Prezıdent Ulytaý oblysynyń «Jomart» shahtasyndaǵy apattan keıin Úkimetke ónerkásiptik qaýipsizdik normalarynyń saqtalýyn tekserýdi tapsyrǵan.