Eńbek kodeksine ózgertýler men tolyqtyrýlar engizý qajet - Eńbek jáne halyqty áleýmettik qorǵaý mınıstrligi
ASTANA. Aqpannyń 3-i. QazAqparat /Rýslan Ǵabbasov/ - QR Eńbek kodeksine ózgertýler men tolyqtyrýlar engizý qajet. Bul týraly búgin Astanada ótken alqa májilisinde Eńbek jáne halyqty áleýmettik qorǵaý mınıstri Gúlshara Ábdihalyqova málim etti,
dep habarlaıdy QazAqparat.
«Eńbek salasynda paıda bolatyn áleýmettik táýekelderdi basqarýdyń zańnamalyq negizi - Eńbek kodeksi bolyp tabylady. Qazirgi kezde biz oǵan belgili bir ózgertýler men tolyqtyrýlar engizý qajettiliginiń aldynda turmyz»,-dedi mınıstr.
G. Ábdihalyqovanyń sózine qaraǵanda, eńbek qatynastarynyń júıesin tájirıbelik damytý, ıaǵnı ujymdyq kelisimdi qatynastar júıesin keńeıtý, eńbekti normalaýdy damytý, sondaı-aq eńbekti qorǵa men basqarý júıesin reformalaý sekildi negizgi baǵyttarymen júzege asyrylady.
