Eńbek qaýipsizdigin qamtamasyz etý jónindegi jańa tujyrymdama qabyldanady

Eńbek qaýipsizdigin qamtamasyz etý jónindegi jańa tujyrymdama qabyldanady. Bul týraly Jibek Joly telearnasynyń «Ýáde» baǵdarlamasyna suhbat bergen Premer-Mınıstrdiń orynbasary Tamara Dúısenova aıtty, dep habarlaıdy Kazinform.

«Eńbek qaýipsizdigin qamtamasyz etý jónindegi úlken jol kartasy bolǵan. Ótken jyldan bastap jumys berýshilermen jumys istep, eńbek qaýipsizdigin saqtaý máselesi jónindegi tujyrymdamany ázirledik. Jeltoqsan aıynda qabyldanady dep kútip otyrmyz. Ony jumys berýshilermen birge qarastyrdyq. Biraq, jumys berýshiler tarapynan azdaǵan kelispeýshilik bar. Onyń durys emestigin aıtyp otyrmyz», — dedi vıtse-premer.

Osy oraıda Tamara Dúısenova jumys berýshilerdiń nelikten kelispeı otyrǵanyn túsindirip ótti.

«Qazirgi tańda jumys ornynyń qaýipti ne qaýipsiz ekendigin anyqtaý úshin attestatsııa jasalady. Attestatsııa quny ortasha dep aıtýǵa bolady. Barlyq jumys orny eseptelip, ortasha baǵasy shyǵarylady. Biz "bulaı bolmaıdy, qansha jumys orny bolsa, sonyń bárin attestattaımyz" dep otyrmyz. Sonda myna tsehtaryńyz asa qaýipti, myna tsehtaryńyz ortasha qaýipti oryn eken dep aıta alamyz. Ony retteý kerek… Árıne, jumys berýshilerge qarjylyq júkteme bolady… Menińshe, kelesi jyldan bastap osy tujyrymdamaǵa oraı Eńbek kodeksine taǵy da ózgerister engizilýi múmkin», — dedi ol.