Eńbek qaýipsizdigin saqtamaıtyn kásiporyndardyń óndirisi 1,5 jylǵa toqtatylýy yqtımal
ASTANA. QazAqparat - Eńbek qaýipsizdigin saqtamaı, jumyskerlerdiń jaraqat alý oqıǵalary jıi bolatyn kásiporyndardyń óndirisi 1,5 jylǵa toqtatylýy yqtımal.
Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetiniń brıfıngisinde QR Eńbek jáne halyqty áleýmettik qorǵaý mınıstri Tamara Dúısenova málim etti.
Qazirgi ýaqytta zańnamaǵa tıisti ózgerister engizý jumystary QR Parlamentinde talqylaný ústinde.
«Jumys berýshige qatysty jaýapkershiliktiń deńgeıi jumyskerlerdiń jaraqat aýyrlyǵyna baılanysty. Onyń deńgeıine qatysty naqty ákimshilik aıyppul belgilengen. Bizdiń usynǵan ózgeristerge sáıkes, onyń kólemi 200 AEK-ke deıin bolady. Biraq bundaı oqıǵalar taǵy tirkelse, óndiristi 1,5 jylǵa deıin toqtata turý jazasy qarastyrylady. Mine, osyndaı tolyqtyrýlar kútilýde, olar qazir Parlamentte qaralyp jatyr», - dep atap ótti mınıstr.
