Eńbek qaýipsizdigi: jazataıym oqıǵa az bolatyn uıymdarǵa syıaqy taǵaıyndaý usynyldy
NUR-SULTAN. QazAqparat – Nur-Sultan qalasy kásipodaqtar ortalyǵynyń tóraǵasy Tastanbek Esentaev 2019 jyldyń alǵashqy jarty jylyndaǵy ortalyq qyzmetin qorytyndylady, dep habarlaıdy QazAqparat tilshisi.
Jyl basynan beri Nur-Sultan qalasynda óndiristik apatqa qatysty 28 oqıǵa tirkelgen jáne 7 adam baqılyq bolǵan.
«Qaıǵyly oqıǵalardy teksere kele, travmatızmniń basty sebebi – jumys berýshilerdiń salǵyrttyǵy ekenin anyqtadyq. Olar jumysty durys uıymdastyrmaǵan, qyzmetkerlerge eńbek qaýipsizdigin túsindirmegen, qoldanystaǵy tehnıkalary eskirgen. Jaraqat oqıǵasy jıi bolǵan uıymdarda kásipodaqtar bolmaǵan», - dedi T. Esentaev Nur-Sultan qalasy kásipodaqtar ortalyǵynda ótken baspasóz máslıhatynda.
Onyń aıtýynsha, jazataıym oqıǵalar qosalqy merdigerler jumysynda jıi bolady. Sebebi, qosalqy merdigerge tapsyrylǵan jumys kólemine ǵana aqsha bólinedi de, qaýipsizdikti saqtaý, eńbek kelisimsharttaryn ustanýdy eshkim qolǵa almaıdy. Osy oraıda, elordalyq kásipodaqtar ortalyǵy bar jaýapkershilikti bas merdigerge tapsyrý, jazataıym oqıǵa az bolatyn uıymdarǵa qarjylaı syıaqy berýdi usynyp otyr.
Sonymen birge, ortalyq basshysy ujymdarda Óndiristik keńes qurýdy zańmen mindetteýdi usyndy.
«Óndiristik keńes arqyly jumysshylardyń eńbek qabilettigin arttyryp, qaýipsizdik talabyn kóterýge bolady. Eńbek zańnamasynda óndiristik keńes týraly naqty zań bolýy qajet. Qazirgi ýaqytta óndiristik keńes qurý quqyǵy jumys berýshiniń erkinde. ıAǵnı, qalasa – qurylady, qalamasa – qurylmaıdy. Bul týraly QR Kásipodaqtar uıymy tıisti usynymdar berdi, Parlamentte qaralady. Odan basqa, halyqaralyq eńbek uıymynyń konventsııalary bar. Sondaǵy 175 konventsııanyń Qazaqstanda segizi ǵana qabyldanǵan. Sondyqtan, halyqaralyq konventsııalardy barynsha qabyldap, eldegi jumysshylardyń qaýipsizdigin kóterý qajet», - dedi ol.
T. Esentaev kásipodaq janynan ashylǵan medıatsııa ortalyǵy týraly aıtyp berdi.
«Eńbek daýlary men quqyqtyq qatynastardan týyndaıtyn daýdyń aldyn alý jóninde QR joǵary sotymen birge pılottyq joba júzege asyryp jatyrmyz. Astanalyq kásipodaq janynan ashylǵan medıatsııa (ymyralasý) ortalyǵynda ádildik izdep kelgen jumysshylarǵa medıatsııalyq kómek kórsetemiz. Jyl basynan beri ortalyqqa 5 myń adam shaǵymdanyp, onyń 2 paıyzy ǵana (100 adam) sotqa júgindi. Qalǵandary óz máselesin tolyq sheshti», - dedi Tastanbek Esentaev.
Kásipodaq keltirgen derekterge sáıkes, jyl saıyn álemde 3 mln jýyq adam óndiristik qyzmette mert bolady. Al 370 mln astam adam óndiristik jaraqat pen kásibı syrqatqa ushyraıdy.
Qazaqstanda jyl saıyn myń jarym adam jazataıym jaǵdaıǵa ushyrap, 200-den astamy kóz jumady. Kásibı syrqatpen aýyratyndar sany 300 myńǵa jetti.
