Eńbek qaýipsizdigi salasyn jetildirý úshin biryńǵaı aqparattyq júıe qurý qajet – Altaı Kólginov

ASTANA. QazAqparat – Astanada ótip jatqan «KIOSH-2023» Halyqaralyq konferentsııasyna qatysqan Premer-Mınıstrdiń orynbasary Altaı Kólginov káisporyndar óndiristik jazataıym oqıǵalardan sabaq almaıtynyn málimdep, synǵa aldy, dep habarlaıdy QazAqparat tilshisi.

«Eńbek qaýipsizdigi boıynsha iske asyrylatyn barlyq sharalardy júzege asyrý úshin biryńǵaı aqparattyq júıe qurý qajet. Bul Tsıfrlyq damý jáne aeroǵarysh ónekásibi mınıstrligine júkteledi. Búginniń ózinde eńbek qaýipsizdigi salasyndaǵy tsıfrlyq júıeler óndiriske engizilip jatyr», - dedi Altaı Kólginov.

Munymen qatar, Premer-Mınıstrdiń orynbasary óńirlerdegi káisporyndar jazataıym oqıǵalardan sabaq almaıtynyn aıtty.

«Bizdiń elde kóptegen kompanııalar jumys isteıdi. Onyń ishinde iri halyqaralyq kásiporyndar bar. Olar sheteldik tájirıbege negizdep, óndiristegi oqys oqıǵalardy boldyrmaý úshin jaǵdaı jasap jatyr. Alaıda, jazataıym oqıǵa oryn alǵanyna qaramastan, odan sabaq almaıtyndar da bar. Bir qatelikti jyl saıyn qaıtalaı beredi. Eńbek qaýipsizdigi saqtalatyn kásiporyndardan úlgi almaıtyndar az emes. Olarda jaraqattaný deńgeıi jyl saıyn ósip otyr», - dep túıindedi Altaı Kólginov.

Altaı Kólginovtiń málimdeýinshe, jyl saıyn elimizdegi kásiporyndarda 2 myń adam ónerkásiptik jaraqat alyp, saldarynan shamamen 200 jumysker kóz jumady.