Eńbek ınspektorlary kásiporyn ıelerine 516 jumyskerdiń 90,2 mln teńge jalaqysyn tóletkizdi

NUR-SULTAN. QazAqparat – Jyl basynan beri memlekettik eńbek ınspektorlary 500-den astam jumyskerdiń quqyǵyn qorǵady, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, bıylǵy jylǵy 1 aqpandaǵy jaǵdaı boıynsha Memlekettik eńbek ınspektorlary respýblıkanyń 44 kásipornynda 890 jumyskerdiń aldynda 159,1 mln. teńgeden astam somaǵa jalaqy boıynsha bereshekti anyqtady.

Osy kásiporyndardyń basshylaryna oryndalýy mindetti 12 nusqama berilip, 2 mln teńgeden astam somaǵa aıyppul salyndy. Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 516 jumyskerdiń quqyqtary qorǵaldy. Olarǵa 90,2 mln. teńge tólendi.