Eńbek ınspektorlary elimizdiń 44 myń jumysshysynyń jalaqysyn ala almaı otyrǵandyǵyn anyqtady
ASTANA. 27 qarasha. QazAqparat - Eńbek ınspektorlary elimizdiń 44 myń jumysshysynyń jalaqysyn ala almaı otyrǵandyǵyn anyqtady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Eńbek jáne halyqty áleýmettik qorǵaý mınıstri Tamara Dúısenova málim etti.
Mınıstrdiń atap ótýinshe, jyl basynan beri vedomstvonyń eńbek ınspektorlary 650 uıymnyń 44 myń jumysshy aldyndaǵy bereshegi 3,7 mlrd. teńgeni qurap otyrǵandyǵyn anyqtaǵan. «Qarjy, Ádilet mınıstrlikteriniń, Bas prokýratýranyń jáne oblys ákimderi janyndaǵy daǵdarysqa qarsy shtabtardyń birlesken jumystarynyń arqasynda 35 myń jumysshy aldyndaǵy 2,7 mlrd. teńge kólemindegi qaryz joıyldy», - dedi ol. T.Dúısenovanyń aıtýynsha, 15 qarashadaǵy jaǵdaı boıynsha 83 kásiporynnyń jumysshylar aldyndaǵy qaryzy 985 mln. teńgeni quraıdy.
