Eńbek ınspektorlary 48 myńnan astam jumyskerdiń quqyǵyn qorǵady

ASTANA. QazAqparat - 2016 jyly memlekettik eńbek ınspektorlary respýblıkanyń 1852 kásipornynda 50,6 myń jumysker aldynda jalaqy boıynsha 7,1 mlrd. teńgeden asa qaryz bar ekenin anyqtady, dep habarlaıdy QazAqparat.

«Atalǵan kásiporyndardyń jetekshilerine oryndalýǵa mindetti 1688 uıǵarym berilip, 262,8 mln. teńgeden astam somaǵa aıyppul salyndy.  Qoldanylǵan sharalardyń nátıjesinde, sonymen qatar, jalaqy boıynsha qaryzdy óteýdiń merzimi men kestesin qatań belgileý arqyly 48 myńnan astam jumyskerdiń quqyǵy qorǵalyp, nátıjesinde olarǵa 6,8 mlrd. teńge tólendi»,-dep atap ótilgen QR Densaýlyq saqtaý jáne áleýmettik damý mınıstrligi málimetinde.

Belgili bolǵandaı, ótken jyly memlekettik eńbek ınspektorlary 9680 tekserý júrgizdi. 16 myńnan astam QR eńbek zańnamasyn buzý faktilerin anyqtalyp, 553 mln. teńge somaǵa aıyppul salyndy.