Eńbek ınspektorlary 16,9 myńnan astam jumyskerdiń quqyǵyn qorǵady

NUR-SULTAN. QazAqparat - Jyl basynan beri memlekettik eńbek ınspektorlary 16,9 myńnan astam jumyskerdiń quqyǵyn qorǵady, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Aǵymdaǵy jylǵy 1 tamyzdaǵy jaǵdaı boıynsha Memlekettik eńbek ınspektorlary respýblıkanyń 632 kásipornynda 17,7 myń jumyskerdiń aldynda 3,9 mlrd teńgeden astam somaǵa jalaqy boıynsha bereshekti anyqtady.

Osy kásiporyndardyń basshylaryna oryndalýy mindetti 675 nusqama berilip, 77,4 mln teńgeden astam somaǵa aıyppul salyndy.

Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 16,9 myńnan astam jumyskerdiń quqyqtary qorǵaldy. Olarǵa 3,8 mlrd teńge tólendi.