Enbek HR mobıldi qosymshasy iske qosyldy

ASTANA. QazAqparat - Qazaqstanda Enbek HR mobıldi qosymshasy iske qosyldy. Ol hr.enbek.kz (budan ári – Portal) eńbek resýrstary portalymen tolyq sınhrondalǵan, bul jumyskerlerge smartfon arqyly eńbek sharttaryn esepke alýdyń biryńǵaı júıesinde tirkelgen eńbek sharttary týraly málimetterdi alýǵa múmkindik beredi, delingen QR Eńbek jáne halyqty áleýmettik qorǵaý mınıstrliginiń baspasóz qyzmeti.

Enbek HR mobıldik qosymshasynda jeke kabınette jumyskerler ózderiniń eńbek sharttaryn kóre alady, jumys ornynan anyqtamany jáne jeke isinen aqparatty júkteı alady – foto, jeke kýálik, pasport derekteri, bilimi, eńbek qyzmeti týraly málimetter, 075/E medıtsınalyq anyqtama, psıho/narko/týb. dıspanserlerdegi esep málimetteri jáne t. b.

Qosymsha arqyly nemese Portaldaǵy jeke kabınette jumysker jumysqa ornalasý úshin elektrondyq jeke isti qalyptastyrý maqsatynda jumys berýshige atalǵan derbes derekterge qol jetkizýge óziniń kelisimin rastaı alady.

Eńbek sharty boıynsha mańyzdy emes málimetter anyqtalǵan jaǵdaıda, qyzmetkerdiń eńbek shartynyń derekterin ózgertýge, eńbek shartyn buzý týraly aqparat engizýge nemese alyp tastaýǵa suraý salý múmkindigi bar.

Suraý salýdy qalyptastyrý úshin «eńbek shartyn» tańdaý, «derekterdi buzý, joıý nemese óńdeý» áreketin tańdaý, mindetti málimetterdi kórsetý, rastaıtyn qujatty (JPG, JPEG, PNG, PDF formatynda) qosa berý jáne qosymshada SMS-habarlama arqyly alynǵan kodpen rastaý qajet. Joǵaryda kórsetilgen rásimderden keıin suraý salý portaldaǵy jumys berýshiniń Jeke kabınetine qaraýǵa jiberiledi, jumys berýshiden úsh jumys kúni ishinde is-áreket bolmaǵan jaǵdaıda ýákiletti organ suraý salýdy qaraıdy jáne úsh jumys kúni ishinde de sheshim qabyldaıdy.

Qosymshanyń qyzmetterin paıdalaný úshin mobıldi azamattar bazasynda tirkelgen mobıldi nómirdiń bolýy jetkilikti. Eger qyzmetker buryn Portalda tirkelgen bolsa, onda mobıldi qosymshada qaıta tirkeý talap etilmeıdi – avtorızatsııa portal úshin qoldanystaǵy logın men parolmen júzege asyrylady.

Enbek HR qosymshasy men hr.enbek.kz portaly Elektrondyq eńbek bırjasynyń tsıfrlyq jumyspen qamtý ekojúıesiniń bóligi bolyp tabylady. Bul ekojúıe azamattardy kásibı jolynda mamandyq tańdaýdan bastap eńbek qatynastaryn resimdeýge deıin súıemeldeıdi. Bir eseptik jazbasy bar azamat portalda nemese Enbek.kz qosymshasynda jumys taba alady nemese memlekettik qyzmetter men jumyspen qamtý sharalaryn ala alady, Skills.Enbek.kz onlaın-oqytý platformasynda jańa daǵdylardy úırenedi, Business.Enbek.kz portalynda bıznes ashýǵa memlekettik grant ala alady.

Enbek HR qosymshasy tegin jáne PlayMarket jáne AppStore dúkenderinde qoljetimdi.