Eńbek demalysyna shyǵý úderisi bir adamǵa shaqqanda 2,5 myń teńge kóleminde shyǵyn keltiredi
ASTANA. QazAqparat - Memlekettik organda eńbek demalysyna shyǵý úderisi bir adamǵa shaqqanda memleketke 2,5 myń teńge kóleminde qarjy jumsaýǵa alyp keledi. Bul týraly búgin Astanada salyqtyq jáne kedendik ákimshileýdi jetildirýge arnalǵan «dóńgelek ústelde» QR Qarjy mınıstrliginiń memlekettik kirister boıynsha komıtetiniń tóraǵasy Dáýlet Erǵojın málim etti.
«Qyzmetkerler ótinish jazyp, kezekti eńbek demalysyna shyǵyp jatady. Shyn máninde, bul úderistiń ózine qarjy jumsalady. Atap aıtqanda, memlekettik organda eńbek demalysyna shyǵý úderisi bir adamǵa shaqqanda 2,5 myń teńge turady. Bul baǵytta úsh jarym kún ýaqyt ketip, 260-qa jýyq operatsııalar jasalady. ıAǵnı, osy oraıda qalypty qol qoıý, qujattardy tıisti jerine jetkizý sharalary qamtylǵan... Osy oraıda qajet emes úderister baıqalady», - dedi D. Erǵojın.
Onyń sózine qaraǵanda, qazirgi kezde komıtet qyzmettegi úderisterdi jaqsartý turǵysynda tıisti jumystardy atqarýda.
«Qajet emes óte kóp úderister paıdasy joq adamdardyń qyzmetke keleýine sebepker bolady, al qajet emes óte kóp adamdar paıda bolǵanda olar ózderine qajet emes jumystardy izdeı bastaıdy. Nátıjesinde, biz bıýrokratııalyq kedergilerge tap bolamyz»,- dep túıdi komıtet basshysy.
