Eńbek demalystarynyń maýsymy valıýta baǵamyna áser etip jatyr – Ulttyq bank

ASTANA. KAZINFORM – Ulttyq bank tóraǵasy Tımýr Súleımenov Senat otyrysynan keıin BAQ ókilderine dollardyń teńgege shaqqandaǵy baǵamy nege qubylyp turǵanyn bastaǵanyn aıtty.

— Negizgi faktorlar — jazǵy eńbek demalystarynyń bastalýyna baılanysty jeke tulǵalardyń shetel valıýtasyna suranysty arttyrýy. Ekinshi eleýli faktor — bıýdjettik jáne kvazımemlekettik baǵdarlamanyń iske asa bastaýy. Bıýdjet protsedýralary jáne memlekettik satyp alý protsedýralarymen baılanysty bekitilgen aqsha bıýdjet ákimshilerine maýsym aıynda jetip, jumsala bastaıdy. Qazir ınvestıtsııalyq baǵdarlamalardy iske asyrý bastaldy. Onyń kóbi qondyrǵylar, qosalyq bólshekter alýmen baılanysty, — dedi Tımýr Súleımenov.

Aıtýynsha, osy faktordyń bári valıýta saýdasyn qyzdyrǵan. 

— Biz valıýta baǵamy ári qaraı da ósetinin kórip otyrǵan joqpyz. Boljam bere almaımyz, biraq negizgi eki faktordy atadym. Ekonomıkamyz ósip jatyr, al syrtqy faktordy eshkim boljaı almaıdy, — dedi Ulttyq bank basshysy.

Aıta keteıik, búgin Astana men Almaty qalalaryndaǵy aqsha aıyrbastaý pýnktterinde dollar 516 — 522 teńgeden satylyp jatyr.