Eńbek daýlary men janjaldardy sheshý tártibi qalaı ózgerdi

ASTANA. QazAqparat – Eńbek jáne halyqty áleýmettik qorǵaý mınıstrliginiń qoǵamdyq keńesi eńbek daýlaryn sheshý tártibin jetildirý boıynsha QR Eńbek kodeksine engizilgen ózgeristerdi talqylady, dep habarlaıdy QazAqparat tilshisi.

Eńbek jáne áleýmettik áriptestik departamentiniń dırektory Danat Nábıevtiń aıtýynsha, aqpan aıynda qabyldanǵan ózgerister kelissózderdi uıymdastyrý rásimin jeńildetýge, kelisim komıssııalary men eńbek tóreligi ınstıtýtyn kúsheıtýge, sondaı-aq eńbek daýlaryn sheshýdegi kásipodaqtar róline baǵyttalǵan.

«Kelisim komıssııasynyń jumysyna qatysty birqatar normalar belgilendi: jumys berýshige jumyskerdi kelisim komıssııasynyń jumysy týraly kelisimmen tanystyrý jáne jınalystar ótkizý úshin qajetti jaǵdaılar jasaý jónindegi mindetterdi bekitýden bastap, jeke eńbek daýlaryn qaraý kezinde kelisim komıssııasyn qalyptastyrý tártibi men qyzmetin anyqtaýǵa deıin normalar bar», - dedi ol.

Sondaı-aq, kelisim komıssııasynyń sheshimin oryndaýdyń eń uzaq merzimi (sheshim shyǵarylǵan kúnnen bastap 1 aı) belgilendi, eńbek arbıtrajyn qurý merzimi eki kúnge deıin qysqartyldy, onyń quramyna áleýmettik áriptestik taraptarynyń atynan ókildik etetin úshjaqty komıssııalardyń músheleri mindetti túrde engizilýi tıis.

Oǵan qosa, zańnamada eńbek arbıtrajy ujymdyq eńbek daýyn qaraý kezeńinde 50 jumyskerden aspaıtyn bir saǵattyq eskertý ereýilin ótkizýge, ereýildi tek kásipodaqtar nemese saılanbaly ókilder arqyly ótkizýge quqyqtar bekitilgen.