«Eńbek» baǵdarlamasynyń nátıjesi qandaı

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Serik Shápkenov «Eńbek» memlekettik baǵdarlamasynyń nátıjelerin aıtyp berdi, dep habarlaıdy QazAqparat tilshisi.

«Eńbek» memlekettik baǵdarlamasy boıynsha bıylǵy 9 aıda 377 myń adam jumyspen qamtyldy jáne onyń 70 paıyzy – turaqty jumysqa ornalasty. Sonymen qatar barlyǵy 65 myń adam oqýmen qamtamasyz etildi. Baǵdarlamanyń ekinshi baǵyty boıynsha 29 myń adam mıkrokredıtter men kaıtarymsyz grantqa ıe bolyp, onyń 25 myńnan astamy alǵash ret óz isin ashty jáne qosymsha 8 myńǵa jýyq jańa jumys oryndaryn qurdy», - dedi Eńbek mınıstri Úkimet otyrysynda.

Onyń aıtýynsha, 5 500 adam soltústik óńirlerge qonys aýdardy. Jumysqa qabiletti jastaǵy qonys aýdarýshylardyń 78 paıyzy jumyspen qamtyldy. Bul baǵdarlamaǵa qatysýshylardyń 39 paıyzy – jastar, 50 paıyzy – áıelder jáne 53 paıyzy – aýyl turǵyndary.

«Nur Otan» partııasynyń saılaýaldy baǵdarlamasynda qarastyrylǵan «Eńbek» baǵdarlamasy 83 paıyzǵa oryndaldy. Aqmola, Qostanaı, Pavlodar, Jambyl oblystarynda jáne Nur-Sultan qalasynda barlyq kórsetkishter tolyǵymen oryndaldy. Qalǵan óńirlerdegi ákimdikterdi osy baǵyttaǵy jumystardy kúsheıtýi qajet», - dedi S. Shápkenov.