«Eńbek» baǵdarlamasy: SQO-da kópbalaly áke jańa bıznes ashty
SQO Aıyrtaý aýdany Saýmalkól eldimekeniniń turǵyny Ivan Volıkov buǵan deıin aıaq kıim jóndeýmen aınalysqan. Alaıda, bul – maýsymdyq jumys, tek kúz jáne qys ýaqytynda ǵana turaqty tabys bar.
«Áıelim ekeýmizdiń 6 balamyz bar, otbasyn barlyq qajettiliktermen qamtamasyz etý úshin turaqty tabys qajet. Sol sebepti aıaq kıim jóndeýmen qatar kilt jasaý ıdeıasy paıda boldy. Maǵan kópbalaly áke retinde bıznesti damytýǵa grant alýǵa bolatyny aıtyldy», – deıdi aýyl turǵyny.
Ivan Volıkov Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy aıasynda 505 myń teńge grant alyp, oǵan jańa jabdyqtar satyp aldy.
«Bul aqsha maǵan jaqsy kómek boldy, óz ıdeıamdy júzege asyrýǵa múmkindik berdi. Qarajatqa men kiltter jasaıtyn eki stanok, sondaı-aq aıaq-kıim blankilerin tigýge arnalǵan baǵanaly tigin mashınasyn satyp aldym. Óz isimdi ári qaraı damytqym keledi, sondyqtan qazir aıaq-kıim tigýdi úırenip jatyrmyn», – dep kásipker óziniń bolashaq josparlarymen bólisti.
Baǵdarlama arqyly qazaqstandyqtar jańa bıznes-ıdeıalardy damytýǵa 200 AEK mólsherinde qaıtarymsyz granttar jáne 8 myń AEK-ke deıin jeńildikti sharttarmen mıkrokredıtter ala alady.Bıylǵy 8 aı ishinde SQO-da 1,7 myńnan astam adam bıznes-ıdeıalardy iske asyrýǵa memlekettik granttar men mıkrokredıtter aldy.
«Turaqty jumys oryndaryna 6 259 adam jumysqa ornalastyryldy. Ýaqytsha jumys oryndaryna 5 023 adam, onyń ishinde 465-i áleýmettik jumys oryndaryna, oqý oryndary túlekteriniń 639-y jastar praktıkasyna jáne 3 919-y qoǵamdyq jumystarǵa jiberildi. Kásipkerlikti damytý maqsatynda 1 764 grant pen mıkrokredıt berildi», – deıdi SQO jumyspen qamtýdy úılestirý jáne áleýmettik baǵdarlamalar basqarmasynyń basshysy Almaz Qoshmanov.
Jalpy respýblıka boıynsha «Eńbek» memlekettik baǵdarlamasyna 379 myń adam qatysyp, túrli qoldaý aldy. Jumyspen qamtý ortalyqtarynyń joldamalary boıynsha bos jumys oryndaryna 130 myń adam jumysqa ornalasty, memleket sýbsıdııalaǵan jumys oryndaryna 156 myń adam jumysqa ornalastyryldy. 5 800 jeńildikti kredıt jáne 17 200 qaıtarymsyz grant berildi, 34,5 myń azamat kásipkerlik negizderine qysqa merzimdi oqytýdan ótedi.
