«Eńbek» baǵdarlamasy: ShQO-da kásip ashqysy kelgenderge 677 mln teńge bólinedi
ÓSKEMEN. QazAqparat – Shyǵys Qazaqstan oblysynda «Eńbek» memlekettik baǵdarlamasy aıasynda 677 mıllıon teńgege granttar bólinedi, dep habarlaıdy QazAqparat tilshisi.
Bul týraly ShQO Jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary Aınur Sultanova onlaın formatta ótken oblys apparatynyń jınalysynda málim etti. Jalpy bıyl atalǵan baǵdarlama aıasynda 1160 grant bólý josparlanyp otyr. Onyń ishinde az qamtylǵan jáne kópbalaly otbasylar da bar. Bir granttyń mólsheri 200 AEK, ıaǵnı 583,4 myń teńgeni quraıdy.
«2021 jylǵy 10 naýryzdaǵy jaǵdaı boıynsha jalpy somasy 39 mln teńge kóleminde 67 grant berilgen. Onyń ishinde kópbalaly otbasylar – 18, az qamtylǵan januıalar – 21 grant aldy», - dedi Aınur Sultanova.
Jıyn barysynda ShQO ákiminiń birinshi orynbasary Almashan Smatlaev qalalar men aýdandarǵa granttar berý jumystaryn jandandyrýdy tapsyrdy. Onyń aıtýynsha, Óskemen, Semeı, Rıdder jáne Kýrchatov qalalary, Abaı, Borodýlıha, Jarma, Altaı, Shemonaıha aýdandary kópbalaly jáne az qamtylǵan otbasylarǵa granttar berý baǵytyndaǵy jumys qarqynyn kúsheıtýi tıis.
Aıta keteıik, byltyr az qamtylǵan jáne kópbalaly otbasylarǵa, múmkindigi shekteýli jandarǵa, qonys aýdarǵan qandastarǵa, ózin-ózi jumyspen qamtyǵandar men jumyssyzdarǵa jalpy somasy 1028 mln teńge mólsherinde 1852 grant berilgen. Búginde olar óz kásipterin ashyp, tabys tabýda.
