«Eńbek» baǵdarlamasy: ShQO-da 18 myńnan astam adam jumyspen qamtylǵan
2017-2021 jyldarǵa arnalǵan memlekettik baǵdarlamanyń maqsaty – halyqty nátıjeli jumyspen qamtýǵa járdemdesý jáne azamattardy kásipkerlikke tartý. Atalǵan baǵdarlama aıasynda 2019-2020 jyldary aralyǵynda kásipkerlerge jalpy somasy 4,7 mlrd teńgege 988 shaǵyn nesıe berilgen.
«Ótken jyly 30 444 adam qamtyldy. Onyń ishinde: 16,6 myńy – jumyssyzdar, 6,1 myń adam – ózin ózi jumyspen qamtyǵandar, 5,3 myń adam jumys izdep júrgender jáne 2,5 myńy stýdentter men zeınetkerler. Sonyń nátıjesinde 18,5 myń adam jumysqa ornalastyryldy», - dep habarlady ShQO Jumyspen qamtý jáne áleýmettik baǵdarlamalardy úılestirý basqarmasy.
Memlekettik granttardyń arqasynda bıznes ashqandardyń biri – Glýbokoe aýdanynyń turǵyny Vıtalıı Alıev. Bala kezinen mashına qurastyrýdy jaqsy kóretin ol búginde memlekettiń qoldaýymen tehnıkalyq qyzmet kórsetý stantsııasyn ashty.
«Vıtalıı Alıev 2017-2021 «Eńbek» baǵdarlamasy aıasynda bıznes negizderine oqytý kýrsynan ótti. 550 myń teńge grant alyp qajetti qural-jabdyqtardy satyp aldy. Qazir onyń turaqty klıentteri de bar. Olar kórsetiletin qyzmetterdiń sapasy men baǵasyn joǵary baǵalaýda. Jas kásipkerge úlken tabys tileımiz», - dedi Glýbokoe aýdanynyń ákimi Tamara Rahymjanova.
