«Eńbek» baǵdarlamasy boıynsha beriletin shaǵyn nesıe kólemi nege azaıdy
Májilis depýtattary Elnur Beısenbaev, ıÝrıı Jýlın jáne Erlan Saırov Premer-Mınıstr Asqar Mamınniń atyna «Eńbek» memlekettik baǵdarlamasynyń sheńberinde mıkrokredıt berý máselesi jónindegi depýtattyq saýal joldaǵan bolatyn.
«Eńbek» baǵdarlamasynyń nesıelendirý baǵyty boıynsha 2020 jyly aýyl
turǵyndaryna 43,3 mlrd teńgege 11 294 jýyq nesıe berildi. Osy baǵdarlama aıasyndaǵy bıylǵy jyldyń bıýdjeti 20 mlrd teńgeni ǵana qurap otyr. ıAǵnı, bıyl shaǵyn nesıe alýshylardyń sany 5200-ge azaıady. Pandemııa kezinde, Ulttyq ekonomıka jáne Eńbek jáne halyqty áleýmettik qorǵaý mınıstrlikteriniń keri pozıtsııasy bizge túsiniksiz», - deı kele, depýtattar shaǵyn nesıe berýdegi basty problema kepilzat qoıý ekenin, bankterdiń qala irgesindegi aýyldar bolmasa, shalǵaıdaǵy eldi mekenderdiń halqyna nesıe berýge qulyqty emes ekenin másele etip kótergen.
Úkimet basshysy óz jaýabynda «Eńbek» baǵdralamasy boıynsha beriletin nesıeniń kólemi nege qysqartylǵany týraly málimet bergen.
«Eldegi qalyptasqan ekonomıkalyq jaǵdaı sharttarynda Baǵdarlama
boıynsha aýyldyq eldi mekenderde mıkrokredıtteý úshin 2021 – 2023 jyldarǵa
arnalǵan bıýdjet lımıtteri 20 mlrd teńgege deıin qysqartylǵan. 40,3 mlrd teńge kóleminde qosymsha qarjylandyrý bólý máselesi 2021 jylǵa arnalǵan respýblıkalyq bıýdjetti alǵashqy naqtylaý sheńberinde qarastyrylatyn bolady. Bul atalmysh baǵdarlama sheńberinde shamamen 10 myń mıkrokredıt berýge múmkindik beredi», - delingen jaýapta.
Asqar Mamın shaǵyn nesıe alýshylardy kepilmen qamtamasyz etýge
«Aýyl sharýashylyǵyn qarjylaı qoldaý qory» AQ jaýapty ekenin eske salady.
«Kepildik mıkroqarjylyq uıymdar men nesıe seriktestikteri arqyly mıkrobıznes ashýǵa, jumys istep turǵan bıznesti keńeıtýge, aýyldyq eldi mekenderde jáne shaǵyn qalalarda kooperatıvter qurýǵa arnalǵan mıkrokredıtter boıynsha beriledi», - degen Premer-Mınıstr isin jańa bastaǵan kásipker men zákirlik kooperatsııaǵa qatysýshylar úshin kepildik somasynyń 85%-yn, jumys istep turǵandar úshin – 50%-yn, al az qamtylǵan jáne kóp balaly otbasy músheleri úshin kredıt somasynyń 95%-ynan aspaıtynyn aıtady.
