«Eńbek» baǵdarlamasy aıasynda óńirler ózderine qajetti mamandardy oqytýǵa jiti nazar aýdarmaı otyr
«Qysqa merzimdi oqytýǵa baılanysty aıtsaq, 815 oqý ortalyǵy jumys istep jatyr. Onyń 346-sy kásiporyndardyń janynda. 63 200 adam qazir oqýdan ótip, bıylǵy jospardy 77 paıyzǵa oryndadyq. 68,3 paıyzy jumysqa ornalasqan. 2 500-den grant taratyldy. Qysqa merzimdi oqýdan 4325 adamnan saýalnama júrgizdik, 97 paıyzy baǵdarlama deńgeıine rıza», - dedi ol.
Onyń atap ótýinshe, baǵdarlama arqyly halyqtyń kóbi kondıter, traktorshy, esepshi, vızajıst sııaqty zaman suranysyna qajetti kásipterdi ıgergen. Biraq olar 21 myń stıpendııany kóterip, oqý merzimin uzartýdy surap otyr.
«Ózderińiz bilesizder, »Atameken« eki-úsh jyldan beri naryqqa kerek mamandyqtardyń tizimi jasap keledi. 34 myń kompanııa arasynda saýalnama júrgizdik. Olar bıyl 33 myń, kelesi jylǵa 30 myńnan astam, 2021 jylǵa 29 myńnan vakansııa berip otyr», - dedi basqarma tóraǵasynyń orynbasary.
Degenmen onyń aıtýynsha, óńirlerde qajetti mamandyq pen oqytylyp jatqan mamandyqtardyń arasynda teńgerimsizdik bar. Máselen, Aqtóbe oblysyna 300 traktorshy kerek bolsa, oqytý ortalyqtary daıyndaıtyn mamandardy sany nebári 53 qana. Al óńirge 231 aspazshy qajet bolsa, óńirdegi ortalyqtar 425 maman daıyndap shyǵarmaq.
Aıta keteıik, 2017-2021 jyldarǵa arnalǵan «Eńbek» memlekettik baǵdarlamasynda kásiptik bilimmen qamtý, qysqa merzimdi kýrstar arqyly jumyssyz azamattardyń kásibı biliktiligi men daǵdylaryn arttyrý qarastyrylǵan.