Eńbek adamy týraly úzdik materıalǵa 100 myń teńge beriledi
ASTANA. KAZINFORM — Astana qalasy Іshki saıasat basqarmasynyń tapsyrysy boıynsha «Adal eńbek» jobasy aıasynda eńbek adamynyń bedelin arttyrýǵa baǵyttalǵan qalalyq baıqaý jarııalandy, dep habarlaıddy elorda ákimdiginiń resmı saıty.
Baıqaýǵa BAQ ókilderi, blogerler, ınflıýenserler, tsıfrlyq kontent avtorlary, táýelsiz avtorlar men mobılograftar qatysa alady. Qatysýshylar jumystaryn úsh negizgi nomınatsııa boıynsha usynady:
• «Úzdik televızııalyq/beınematerıal»;
• «BAQ-taǵy úzdik jarııalanym»;
• «Úzdik tsıfrlyq kontent/medıajoba».
Sondaı-aq «Kreatıvti kózqaras», «Trendtegi medıarolık» jáne basqa da arnaıy nomınatsııalar qarastyrylǵan.
Júlde qory — 500 000 teńge. Negizgi nomınatsııalar boıynsha jeńimpazdarǵa — 100 000 teńgeden, arnaıy nomınatsııalar boıynsha — 50 000 teńgeden beriledi.
— Jumystar 7-21 qyrkúıek aralyǵynda qabyldanady. Ótinimder men konkýrstyq materıaldardy qabyldaý: onlaın formatta júzege asyrylady. Baılanys nómiri: +7 700 968 8204, — deıdi uıymdastyrýshylar.
Olardyń sózinshe, baıqaýdyń maqsaty — jumysshy jáne kásibı mamandyqtardyń bedelin arttyrý, túrli sala mamandarynyń el damýyna qosqan úlesin kórsetý jáne qoǵamda adal ári jaýapty eńbek mádenıetin nasıhattaý.
Aıta keteıik, jeńimpazdar marapattaý rásimi 27 qyrkúıek kúni ótedi.
Osydan buryn Qazaqstan halyqaralyq kitap baıqaýynda toǵyz júldeli orynǵa ıe boldy.
