«Eńbek adamy – 2025» respýblıkalyq baıqaýy jarııalandy
ASTANA. KAZINFORM – Qazaqstan Jazýshylar Odaǵy men Qazaqstan Ulttyq Injenerlik Akademııasy birlese otyryp «Eńbek adamy – 2025» baıqaýyn ótkizetinin habarlady.
Bul ıgi is-shara Memleket basshysynyń 2025 jyldy «Jumysshy mamandyqtar jyly» dep jarııalanýyna oraı uıymdastyrylyp otyr.
Prezıdent Qasym-Jomart Toqaev Qazaqstannyń bolashaǵy ınjenerlik kadrlardy daıyndaý sapasyna tikeleı baılanysty ekenin, sondaı-aq, osy salany dáripteý arqyly jumysshy mamandyqtary bedeli men ımıdjin kótere otyryp, qoǵamda eńbekqor jáne naǵyz maman bolyp qalyptasý ıdeıasyn nasıhattaý qajettigin atap ótti.
Bul baıqaý el Prezıdentiniń reformasyna sáıkes, «Eńbek adamy – óndiris adamy», «Jumysshy mamandyqtary jyly», «Óńirlik damý men erekshelikti ashqan úzdik materıal» jáne «Injenerlerdiń qoǵamdaǵy orny» atty negizgi taqyryptardy qamtıdy.
«Eńbek adamy – 2025» respýblıkalyq baıqaýy – ádebıettegi jumysshy ınjenerler beınesi, qalyń óndiristiń ortasynda taban aqy, mańdaı termen el ıgiligine eren eńbegimen olja salyp júrgen myńdaǵan eńbek adamynyń tynys-tirshiligi beınelengen shyǵarmalardyń baıqaýy bolmaq.
Baıqaýdy ótkizý merzimi
Ótinimderdi qabyldaý – 2025 jyldyń 1 tamyzynan bastap 2025 jyldyń 31 jeltoqsanyna deıin.
Baıqaýdyń qorytyndysy 2026 jyldyń 15 qańtarynda deıin anyqtalady.
Marapattaý – 2026 jyldyń 15 aqpan kúni ótedi.
«Eńbek adamy – 2025» respýblıkalyq baıqaýǵa qatysýshylardan qabyldanǵan shyǵarmalardy jazýshylardan, ǵalymdardan, memleket jáne qoǵam qaıratkerlerinen quralǵan qazylar alqasy qaraıdy. Alqa músheleri shyǵarmalardy saraptap, úzdikterdi daýys berý arqyly anyqtaıdy.
Qazylar alqasynyń uıǵarymymen júldeger atanǵan shyǵarmalar men avtorlar saltanatty túrde marapattalyp, syılyqtary tabys etiledi.
«Eńbek adamy – 2025» respýblıkalyq baıqaýynda shyǵarmasy eń úzdik dep tanylǵan Bas júlde (Gran-Prı) alǵan qalamgerge «Qazaqstan Jazýshylar odaǵy» RQB men Qazaqstan Respýblıkasy Ulttyq Injenerlik Akademııasynyń Tós belgisimen jáne dıplomymen marapattalady.
Bas júlde (Gran-Prı) – 10 000 000 (on mıllıon) teńge.
1-oryn (sertıfıkat) – 5 000 000 (bes mıllıon) teńge.
2-oryn (sertıfıkat) – 2 500 000 (eki mıllıon bes júz myń) teńge.
3-oryn (sertıfıkat) – 1 000 000 (bir mıllıon) teńge.
Sonymen qatar baıqaýǵa qatysýshylar:
1. «Zamanaýı óndiristegi eńbek adamynyń beınesi»;
2. «Injenerlerdiń qoǵamdaǵy orny»;
3. «Óńirlik damý men erekshelikti ashqan úzdik materıal» atalymy boıynsha 500 000 (bes júz) myń teńgeden yntalandyrý syılyqtary boıynsha marapattalady.
Tolyǵyraq aqparatty «Qazaqstan Jazýshylar odaǵy» RQB men Qazaqstan Respýblıkasy Ulttyq Injenerlik Akademııasy saıtynan qaraýǵa bolady.