Eńbegimen erekshelengen volonterler memlekettik nagradalarǵa usynylady

NUR-SULTAN. QazAqparat – Volonterlik jumys eńbek ótili bolyp eseptelinedi. Bul týraly Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Eriktilerge jan-jaqty qoldaý kórsetý kerek. Meniń tapsyrmam boıynsha olarǵa arnaıy jeńildikter usynylady. Mysaly, endi volonterlik jumys eńbek ótili bolyp eseptelinedi», - dedi Memleket basshysy volonterlerdiń «BIRGEMIZ» respýblıkalyq front-keńsesin resmı iske qosý sharasynda.

Sonymen qatar Qazaqstan Prezıdenti volonter stýdentterge qosymsha shákirtaqy beriletindigin nemese pán kredıtterin jabýǵa ruqsat etiletindigin aıtty.

«Osy salada jumys isteıtin úkimettik emes uıymdarǵa da qarjylaı kómek beriledi. Osyǵan oraı áleýmettik jobalardy júzege asyrý úshin 400-den astam shaǵyn grant bólinedi. Ár granttyń quny 300 myń teńge kóleminde bolmaq. Odan bólek, ákimderge jergilikti bıýdjetten qosymsha granttar bólýdi tapsyrdym. Eńbegimen erekshelengen volonterler memlekettik nagradalarǵa usynylady», - dedi Qasym-Jomart Toqaev.