Eń joǵary jalaqy qaı salada ekeni anyqtaldy
ASTANA. QazAqparat - 2014 jylǵy qańtardaǵy bir qyzmetkerdiń ortasha aılyq ataýly jalaqysy 104654 teńgeni qurady.
Ataýly jalaqy ındeksi 2013 jylǵy qańtarda 105,5 paıyz, al naqty jalaqy ındeksi 101,0 paıyz boldy.
«Salalyq qurylymda eń joǵary jalaqy ken óndirý ónerkásibi men karerlerdi qazýda - 207,3 myń teńge (ortasha respýblıkalyq deńgeıden 2 esege asady), kásibı, ǵylymı jáne tehnıkalyq qyzmetinde - 197,8 myń teńge, qarjy jáne saqtandyrý qyzmetinde 179,2 myń teńgege belgilendi. Eń tómengi jalaqy aýyl, orman jáne balyq sharýashylyǵy qyzmetkerlerinde - 52,5 myń teńge, bul el boıynsha orta kórsetkishten 49,8 paıyzǵa tómen»,-delingen QR Statıstıka agenttigi málimetinde.
Óńirlik bóliniste eń joǵary jalaqy Atyraý oblysynda belgilendi - 194,1 myń teńge, bul ortasha respýblıkalyq kórsetkishten 1,9 esege joǵary. Soltústik Qazaqstan oblysynda munyń shamasy 71,8 myń teńgeni qurady, bul el boıynsha ortasha deńgeıden 31,4 paıyzǵa tómen.
