Eń joǵary jalaqy qarjy jáne saqtandyrý qyzmetinde belgilendi
ASTANA. QazAqparat - 2013 jylǵy jeltoqsandaǵy bir qyzmetkerdiń ortasha aılyq ataýly jalaqysy 137 043 teńgeni qurady. Ataýly jalaqy ındeksi 2012 jylǵy jeltoqsanǵa qaraǵanda 107,6 paıyzdy, al naqty jalaqy ındeksi 102,6 paıyzdy qurady.
Salalyq qurylymda eń joǵary jalaqy qarjy jáne saqtandyrý qyzmetinde - 275,1 myń teńge (ortasha respýblıkalyq deńgeıden 2 esege asady), ken óndirý ónerkásibi men karerlerdi qazýda - 274,3 myń teńge, kásibı, ǵylymı jáne tehnıkalyq qyzmette - 273,3 myń teńge kóleminde belgilendi. Eń tómengi jalaqy aýyl, orman jáne balyq sharýashylyǵy qyzmetkerlerinde tirkeldi (63,5 myń teńge), bul el boıynsha orta kórsetkishten 53,7 paıyzǵa tómen. «Óńirlik bóliniste eń joǵarǵy jalaqy Mańǵystaý oblysynda belgilendi - 251,7 myń teńge, bul ortasha respýblıkalyq kórsetkishten 1,8 esege asady. Soltústik Qazaqstan oblysynda munyń shamasy 83,9 myń teńgeni qurady, bul el boıynsha ortasha deńgeıden 38,8 paıyzǵa tómen», - delingen QR Statıstıka agenttiginiń málimetinde.
