Eń joǵary jalaqy alatyn óńirler ataldy
ASTANA. QazAqparat - Sońǵy úsh jylda qazaqstandyqtardyń satyp alý qabileti alǵash ret artty. Jyldyq ósim 2% qurady, dep habarlaıdy QazAqparat energyprom.kz-ke silteme jasap.
«2018 jylǵy I toqsannyń qorytyndysy boıynsha qazaqstandyqtardyń ortasha aılyq jalaqysy 152,4 myń teńgeni qurady. Bul ótken jylmen salystyrǵanda 8,7% joǵary. Inflıatsııany esepke alǵanda satyp alý qabileti jylda 2% artyp keledi. Aıta ketý kerek, satyp alý qabiletiniń ósimi 2015 jyldyń I toqsanynan bastap birinshi ret tirkeldi», - delingen taratylǵan habarlamada.
Jalaqynyń anaǵurlym ósimi Mańǵystaý oblysynda tirkelgen: jylyna 282 myń teńgege deıin (+14%). Bul - Qazaqstan boıynsha eń joǵary ortasha aılyq jalaqy. Sonymen qatar, ortashaaılyq tabysy boıynsha Atyraý oblysy (jylyna 279,9 myń teńge, +9,2%), Astana (jylyna 223,5 myń teńge, +9,9%) jáne Almaty (jylyna 187,8 myń teńge, +4,4%) kósh bastap tur.
Eń joǵary jalaqyny qarjy jáne saqtandyrý salasynyń qyzmetkerleri (I toqsannyń nátıjesi boıynsha 299 myń teńge, ótken jylǵa qaraǵanda 2,8% artqan), sondaı-aq ǵylymı jáne tehnıkalyq qyzmetke mamandanǵan tulǵalar (255,1 myń teńge, 7,2%-ǵa artqan.) alady.
2017 jyldyń qorytyndysy boıynsha eldegi ortasha aılyq eńbekaqy 149,7 myń teńgeni (jylyna +5%) qurady. Degenmen, ınflıatsııany esepke alǵanda halyqtyń satyp alý qabileti jyl saıyn 2,1% qysqaryp keledi.
