Eń joǵarǵy jyldyq ınflıatsııa Astana qalasynda tirkeldi

  ASTANA. KAZINFORM – 2025 jylydyń sáýir aıynda Qazaqstanda jyldyq ınflıatsııa jedeldep 10,7 % (naýryzda – 10,0%) boldy. Osylaısha jyldyq ınflıatsııa qarqyny elimizdiń 18 óńirinde baıqalady. 1 óńirde baıaýlap, taǵy 1 óńirde burynǵy deńgeıde saqtaldy.

Jyldyq ınflıatsııanyń 13,8%-dyq eń joǵary máni Astana qalasynda tirkeldi.

Sáýirde azyq-túlik taýarlarynyń baǵasy j/j 8,5%-ǵa (naýryzda – 7,6%) deıin jedeldedi. Osy toptaǵy taýarlardyń baǵasy Aqmola oblysynda (11,2%) aıtarlyqtaı joǵary ósim kórsetti. Al Qyzylorda oblysy men Almaty qalasynda(6,8%-dan) tómen ósim baıqaldy.

Sáýirde azyq-túlikke jatpaıtyn taýarlar baǵasynyń ósý qarqyny j/j 8,9%-ǵa (naýryzda – 9,1%) deıin baıaýlady. Eń joǵary mán Túrkistan oblysynda (14,8%), eń tómengi mán Pavlodar oblysynda (5,9%) tirkeldi.

Sáýirde aqyly kórsetiletin qyzmet baǵasy j/j 15,7%-ǵa (naýryzda – 14,3%) deıin jedeldedi. Sonymen qatar, Almaty qalasynda (20,0%) baǵa jalpy respýblıkalyq deńgeıden joǵary, Pavlodar oblysynda (8,6%) aıtarlyqtaı tómen ósim kórsetti.

Sáýirde aılyq ınflıatsııa el boıynsha 1,2% boldy.

Aıta keteıik, 2024 jylǵy qyrkúıekte tutyný baǵalarynyń aılyq ındeksi baıaýlap 0,4% jetkeni týraly jazǵanbyz.