Eń jyldam gol: Shotlandııa men Marokko bıylǵy álem chempıonatynyń rekordyn ornatty
ASTANA. KAZINFORM — Marokko «Boston Stedıým» stadıonynda ótken matchta Shotlandııadan jyldam alǵa shyǵyp, oıyndaǵy basymdyqty ýysynan shyǵarǵan joq. Olar 2-mınýtta esep ashyp, chempıonattaǵy eń jyldam goldy soqty, dep habarlaıdy FIFA.
«Atlas arystandarynyń» jalǵyz golyn Ismael Saıbarı soqty. Ol shotlandııalyq qorǵanysty jaryp ótip, Braım Dıas bergen pasty qabyldap, dopty Angýs Gannyń qaqpasynyń joǵarǵy buryshyna baǵyttady.
Osylaısha, Saıbarı goly rekord ornatty. Bul bıylǵy álem chempıonatyndaǵy eń jyldam gol jáne Marokkonyń jahandyq tarıhyndaǵy eń jyldam goly boldy. Marokko bul soqqymen 4 upaı jınap, S tobynda kósh bastady.
Ekinshi taımda Saıbarı ekinshi gol soǵýǵa óte jaqyn boldy. Onyń soqqysy qaqpa baǵanynan qaıtty. Kóp uzamaı Marokko taǵy da gol soǵýǵa jaqyn keldi. El-Hannýstyń buryshtyq soqqydan tepken dobyn qaqpashy qaıtardy.
Sońǵy 15-mınýtta Shotlandııa oıyn tizginin óz qolyna aldy. Djon MakGınn, Ben Gannon-Doak jáne Skott MakTomıneı álsin-álsin shabýyl jasady. Olar esepti teńestirýge tyrysqanymen, ýaqyt jetpeı «Atlas arystandary» jeńisti saqtap qaldy.
Buǵan deıin AQSh quramasy Aýstralııadan basym túsken bolatyn.
