Eń jas álem chempıony Bıbisara Asaýbaeva mektepti «Altyn belgige» bitirdi

AQTAÝ. QazAqparat - Aqtaýda oblys ákimi Nurlan Noǵaevtyń qatysýymen lıtseı túlekterine attestat tapsyrý saltanaty ótti, dep habarlaıdy QazAqparat Mańǵystaý oblysy ákiminiń baspasóz qyzmetine silteme jasap.

Sharaǵa oblystyń bilim salasynyń qyzmetkerleri, túlekter men ata-analar qatysty.

Aımaq basshysy Nurlan Noǵaev túlekterge aq jol tilep, attestat tabystady.

Aıta keteıik, shahmattan álem chempıony, Bıbisara Asaýbaeva bıyl Aqtaý qalasyndaǵy IT lıtseıin «Altyn belgige» aıaqtap jatyr.

- Búgingi kún bárimiz úshin óte mańyzdy. Mektep – meıirimniń, ınabat pen rýhanııattyń, bilim men tárbıeniń ordasy. Aralaryńyzda respýblıkalyq, halyqaralyq olımpıadalardyń, baıqaýlardyń, ǵylymı jobalardyń jeńimpazdary bar. Shahmattan Gınnestiń rekordtar kitabyna engen álem, Azııa chempıony Bıbisaraǵa elimizde osy sport túrin damytýǵa qosqan úlesi úshin sheksiz rızashylyǵymdy bildiremin,- dedi Nurlan Noǵaev.

Bıyl oblysta 166 orta mektepti 167 385 túlek aıaqtap jatyr.

Onyń ishinde 9-synypty - 12 500, 11-synypty - 7 562 túlek bitirdi.

174 túlek «Altyn belgi», 515 túlek «Úzdik attestat» ıegeri atandy.