«Eń uzyn laǵman»: jańa rekord ornatylmaq

ALMATY. KAZINFORM — 1 mamyr — Halyqtar dostyǵy kúnine oraı Almatynyń kóp ultty aýdandarynyń biri – Jetisý aýdanynda erekshe shara ótedi. 

Ulttyq taǵamdardy nasıhattap, ulttar arasyndaǵy birlikti nyǵaıtý maqsatynda «Qazaqstannyń eń uzyn laǵmany» ázirlenip, jańa Qazaqstan rekordy tirkelmek.

— Sharaǵa Jetisý aýdanynyń turǵyndary, túrli etnos ókilderi belsene qatysady. Bul bastama halqymyzdyń ulttyq qundylyqtary men kópetnosty qoǵamnyń tatýlyǵyn dáripteýdi kózdeıdi. Laǵman — ártúrli ult ókilderi súıip jeıtin taǵam, sondyqtan bul rekord ortaq mádenı muranyń belgisi bolmaq, — delingen Almaty qalasy ákimdigi habarlamasynda.

Іs-sharany Jetisý aýdany etno-mádenı ortalyqtary uıymdastyryp otyr. Rekord Qazaqstan rekordtar kitabynyń ókilderi qatysýymen resmı túrde tirkeledi. 

Aıta ketelik topaı asyq jınaǵan aqtóbelik kollektsıoner Gınness rekordtar kitabyna engisi keletini týraly jazǵan edik.