Eń úzdik meshit jobasyna konkýrs jarııalandy
ASTANA. QazAqparat - Islandııa musylmandary assotsıatsııasy eldegi Arhıtektorlar assotsıatsııasymen birlese otyryp, eń úzdik meshit jobasyna konkýrs jarııalady, dep habarlady www.muslim.kz.
Mundaǵy erekshelik - meshit ǵımaraty ıslam dinin óte joǵary deńgeıde kórsete alatyndaı bolýy shart. Qulshylyq úıine Islandııa astanasy Reıkıavıktiń halyq kóp shoǵyrlanǵan ortalyǵy mańynan jer bólinip otyr.
Reıkıavıktegi úzdik meshit konkýrsyna atalmysh sharttarǵa jaýap bere alatyn barsha arhıtektorlar qatysa alady.
Al báıge qory 5 000 000 ıslandyq kronǵa baǵalanyp otyr. Sonyń ishinde bas jeńimpazǵa osy somanyń kemi teń jartysy beriledi. Aıta keteıik, meshit jobalary Islandııa arhıtektorlar qoǵamdastyǵy fılıalynda osy jyldyń 26 mamyryna deıin qabyldanady.
