Eń uzaq ómir súretin áıelder - japondyqtar
ASTANA. Shildeniń 27-si. QazAqparat - Eń uzaq ómir súretin áıelder - japondyqtar eken. Japon áıelderiniń ortasha ómir jasy álemdegi eń uzaq jas bolyp otyr. Japonııanyń Densaýlyq saqtaý, eńbek jáne ál-aýqat mınıstrligi jarııa etken málimdemege osyndaı derekter keltirilgen. Jáne osynaý kórsetkish boıynsha Japonııa 25 jyl qatarynan kósh bastap keledi,
dep habarlaıdy ITAR-TASS agenttigi.
Statıstıkaǵa súıensek, 2009 jyly japondyq áıelderdiń ómir jastarynyń uzaqtyǵy 86,44 jyldy quraǵan. Al japondyq er azamattardyń ortasha jasy 79,59 jyldy quraıdy. Biraq ta olar, osyǵan qaramastan, jalpyálemdik statıstıkada Katar, Gonkong, Islandııa jáne Shveıtsarııa elderiniń azamattaryna ese jiberip, tek besinshi oryndy qanaǵat tutady.
Eldiń densaýlyq saqtaý mınıstrligindegiler, «Japonııada halyqtyń ómir jasy áli de óse beretin bolady» dep paıymdaýda.
