Eń tómengi jalaqyny 1,5 esege ósirý - otbasy bıýdjeti úshin ájeptáýir kómek

ASTANA. QazAqparat - Búgin demokratııalyq kúshterdiń «Qazaqstan-2050» jalpyulttyq koalıtsııasynyń otyrysynda Memleket basshysynyń Joldaýy talqylandy. Sol jerde partııalar óz oılaryn ortaǵa saldy, dep xabarlaıdy QazAqparat tilshisi.

«Birlik» partııasy tóraǵasynyń orynbasary Tólegen Qýanyshevtiń aıtýynsha, eń tómengi jalaqyny kótergende azyq-túliktiń baǵasyn baqylaýda ustaǵan jón. Sebebi ondaı bastamalar qolǵa alynsa, xalyq kóp tutynatyn taýarlardyń quny da ósýi múmkin. 

«Prezıdent eń tómengi jalaqyny 1,5 esege ósirýdi tapsyrdy. Negizi, ol - otbasy bıýdjeti úshin ájeptáýir kómek. Biraq azyq-túliktiń baǵasyn qadaǵalaǵan jón. Áıtpese, jalaqy kóterilse, onyń artynan azyq-túliktiń baǵasy da ósýi múmkin», - deıdi T.Qýanyshev.

Onyń oıynsha, qazirden bastap azyq-túlik baǵasynyń saıasatyna qatysty naqty sharalardy qolǵa alý qajet. Qadaǵalaý organdaryn kúsheıtip, osy jumysqa qoǵamdyq uıymdardy keńinen tartqan jón.  

Aıta keteıik, búgingi otyrysta «Birlik» partııasy «7-20-25»-ti jandandyrýdyń tyń jolyn da usyndy.

Al otyrys aıasynda QazAqparat tilshisine suxbat bergen «Atameken» palatasynyń tóraǵasy Abylaı Myrzaxmetov salyqtyq amnıstııa kezinde qansha kásipkerdiń aıyppuldan bosatylatynan jarııalady.

Sondaı-aq, 600 mlrd teńgeniń jeńildetilgen nesıesi qaı salaǵa beriletinin jetkizdi.