Eń tómengi jalaqy mólsherin aıqyndaýdyń jańa tásilderi ázirlenýde - mınıstrlik
«Jumyspen qamtýdyń ıkemdi nysandaryn zańnamalyq túrde bekitý kózdelip otyr. Zańnamaǵa tıisti túzetýler engizildi. Ol QR Parlamentiniń qaraýyna jiberildi. Bıyl Tsıfrlandyrý mınıstrligimen, Qarjy mınıstrliginiń Memlekettik kirister komıtetimen jáne ınternet-platforma operatorlarymen birlesip, jumyspen qamtýdy taný jáne azamattardy áleýmettik qoldaý sharalaryn usyný jónindegi pılottyq joba iske asyrylady», - dedi mınıstr vedomostvanyń keńeıtilgen alqa májilisinde.
Sondaı-aq ol eldegi jumys kúshiniń bilimi men biliktiligin arttyrý sharalaryna toqtaldy. Mınıstrlik áleýmettik áriptestermen birlesip jumys ornynda kadrlardy oqytý máselelerin qaıta qaramaqshy. Jumys berýshiler júrgizetin oqytý sapasyn baǵalaý úshin táýelsiz sertıfıkattaý júıesi iske qosylmaq.
«Kásiptik biliktilik týraly» zań jobasynda memleket, jumys berýshiler jáne qyzmetkerler arasyndaǵy jumys kúshiniń daǵdylaryn arttyrý úshin jaýapkershilikti bólý kózdelgen.
Jumys kúshin únemdeý jáne jumys isteıtin halyqtyń eńbek jaǵdaıynyń sapasyn jaqsartý úshin eńbek salasyndaǵy eń tómengi standarttardy qaıta qaraý. Osyǵan baılanysty qańtar aıynyń sońyna qaraı Úkimetke eń tómengi jalaqy mólsherin aıqyndaýdyń negizgi tásilderi usynylmaq. Budan basqa, 2 jyl ishinde eńbek qaýipsizdigi jáne eńbekti qorǵaý salasyndaǵy 1 618 eń tómengi standart qaıta qaralady. Óndiriste qaıta qaralǵan eń tómengi standarttardy aprobatsııalaý olardyń daıyndyǵyna qaraı kezeń-kezeńmen júrgiziledi. Nátıjesinde zııandy óndiristerdiń synyptary men saqtandyrý tarıfteri qaıta qaralatyn bolady», - dedi Tamara Dúısenova.
