Eń tómengi aılyqpen birge basqalardyń jalaqysy da kóterile me
Memleket basshysy Qasym-Jomart Toqaev 1 qyrkúıektegi halyqqa Joldaýynda kelesi jyldan bastap eń tómengi jalaqy mólsherin 60 myń teńgege kóterýdi tapsyrdy.
Osyǵan baılanysty el arasynda «Eń tómengi aılyq kóterilse, basqa sanattaǵy adamdardyń jalaqysy da birge kóterilýi kerek» degen boljamdar aıtylyp qalyp júr.
Vedomstvo ókili bul paıymnyń jańsaq ekenin aıtady.
«Eń tómengi jalaqy mólsheriniń ulǵaıýy basqa qyzmetkerlerdiń jalaqysyn ósirmeıdi. Mysaly, eger qyzmetkerdiń jalaqysy 200 myń teńge bolsa, bul onyń da jalaqysyn kóterý kerek degendi bildirmeıdi. Bul shara eń aldymen jalaqysy 60 myń teńgeden tómen adamdardyń tabysyna áser etedi. Jalaqysy 60 myń teńgeden joǵary jumysshylardyń basqa sanattary úshin atalmysh sharanyń tabysyna áseri joq», - deıdi Eńbek jáne áleýmettik áriptestik departamentiniń dırektory.
Mınıstrliktiń qazirgi esebi boıynsha, eń tómengi aılyqty ósirý sharasynyń aıasynda 612 myń adamnyń jalaqysy ógeredi. ıAǵnı, 60 myń teńgeden kem bolmaıdy.
«2020 jyly júrgizilgen taldaý boıynsha, aýyl sharýashylyǵy, orman jáne balyq sharýashylyǵy qyzmetkerleriniń shamamen 47%-y 60 myń teńgeden tómen jalaqy alyp kelgen. Bul 131 myń adam degen sóz. Qyzmet kórsetý, qonaqúı jáne tamaqtaný salasyndaǵylardyń 44%-y da osy sanatta, shamamen 68 myń adam. Kóterme-bólshek saýda salasynda 413 myń adam, ıaǵnı 45%-y 60 myń teńgeden az alyp júr», - dedi Qymbat Álıakparqyzy.
