Eń tómengi áleýmettik standarttar týraly zań qabyldandy - Parlament
ASTANA. QazAqparat - Búgin Parlament Senatynyń jalpy otyrysynda «Eń tómengi áleýmettik standarttar jáne olardyń kepildikteri týraly» zańy qabyldandy. Eske sala keteıik, atalǵan qujatqa birqatar Májilis depýtattary bastamashylyq jasaǵan bolatyn.
Zań jobasy áleýmettik salada normatıvtik qadamdardy damytý úshin quqyqtyq negiz qalyptastyrady. Osy baǵyttaǵy qoldanystaǵy normalar men normatıvterdi eldegi áleýmettik-ekonomıkalyq ahýaldyń ózgeristerine sáıkestendirý kózdeledi, elimizdiń ár óńirlerine biryńǵaı áleýmettik saıasat engizýge jaǵdaı jasaıdy, áleýmettik salany memlekettik retteýdegi basty quraly retindegi áleýmettik standarttary aıqyndalady.
«Memleket ásirese jahandyq daǵdarys kezeńinde azamattarǵa eń tómengi áleýmettik standarttardy kepildendirýi kerek. Bul ekonomıka ósimi men bıýdjettiń múmkindigine tikeleı baılanysty bolmaq. Eń túpki mindet - qazaqstandyqtardyń ómirin jaqsartý. Zań jobasynyń tujyrymdamasy osy máselelerdi ózek etip otyr», - dedi Májilis depýtaty Svetlana Ferho.
Osylaısha, qujattyń tujyrymdamalyq negizin quraıtyn qaǵıdatqa sáıkes, memleket azamattarǵa eń tómengi áleýmettik standarttardy kepildik etedi. ıAǵnı, Konstıtýtsııada bekitilgen azamattardyń áleýmettik quqyqtaryn júzege asyrýdy qamtamasyz etetin áleýmettik qyzmetter men aqshalaı tólemderdiń eń tómengi mólsheri kepildendiriledi. Mundaı qaǵıdat shapshań ózgeriske ushyrap jatqan ekonomıkalyq jaǵdaıǵa sáıkes, jańartylatyn jáne tıimdi áleýmettik saıasatqa qatysty qazaqstandyq qoǵamnyń artyp otyrǵan suranystaryna jaýap beredi.
Tutastaı alǵanda, qujat boıynsha eń tómengi áleýmettik standarttar birqatar salalarda qoldanylatyn bolady. Bulardyń qatarynda bilim berý, densaýlyq saqtaý jáne medıtsınalyq kómek, áleýmettik qamsyzdandyrý, turǵyn úı máselesi men baspanaǵa kómek, bilikti zańger kómegi, eńbek jáne jumyspen qamtý, mádenıet jáne sport memlekettik uıymdary qyzmetine qoljetimdilik sekildi salalar bar.
