Eń tómengi jalaqyny kóterý: túpkilikti sheshim qashan qabyldanady
ASTANA. KAZINFORM — Eńbek jáne halyqty áleýmettik qorǵaý mınıstri Asqarbek Ertaev eń tómengi jalaqyny kóterý mindetine qatysty túsinik berdi.
Búgin Úkimet otyrysynan keıingi baspasóz máslıhatynda eń tómengi jalaqyny kóterý merzimine qatysty suraq qoıyldy.
Bul turǵyda A. Ertaev tıisti merzim aıqyndalǵanyn jáne ol Úkimet men Ulttyq banktiń, Qarjy naryǵyn retteý jáne damytý agenttiginiń is-qımyl josparynda bekitilgenin aıtty.
- Onyń merzimi – 2027-2028 jyldary. Eń tómengi jalaqy mólsheri 2 jyl merzimde talqylanady. Bul rette onyń ádistemesi pysyqtalyp, sodan keıin eń tómengi jalaqy deńgeıi aıqyndalady, - dedi mınıstr.
Eske salsaq, jaqynda Ulttyq ekonomıka mınıstriniń birinshi orynbasary Azamat Ámrın Úkimettiń aldynda eń tómengi jalaqyny 150 myń teńgege deıin kóterý mindeti turǵanyn aıtqan bolatyn.
Buǵan deıin Premer-mınıstrdiń orynbasary – Ulttyq ekonomıka mınıstri Serik Jumanǵarın eń tómengi jalaqyny kóterý týraly túpkilikti sheshim memlekettik bıýdjettiń múmkindigine baılanysty qabyldanatynyn málimdedi.
