Eń tómengi jalaqy mólsheri óse me
ASTANA. KAZINFORM – QR Ulttyq ekonomıka birinshi vıtse-mınıstri Azamat Ámrın Úkimette 2026–2029 jyldarǵa arnalǵan halyq tabysyn arttyrý jónindegi keshendi jospar tanystyrylǵannan keıin uıymdastyrylǵan baspasóz konferentsııasynda eń tómengi jalaqyny kóterý jóninde málimdeme jasady.
– Eń tómengi jalaqy mólsherin kóteremiz. Biraq qanshaǵa ekenin qazir aıta almaımyz. Bári bıýdjettiń múmkindikterine baılanysty. Qazir 2027 jyldyń bıýdjetin qalyptastyrý boıynsha jumys júrip jatyr. Al 2025 jyldyń derekter statıstıkasy bıyl 1 tamyzda shyǵady. Onymen 2026 jyldyń jarty jylyndaǵy statıstıkany qosa eseptep, osy derekter negizinde 2027 jyly bıýdjetke qansha kiris túsetini jóninde boljam jasaımyz. Sonyń arqasynda eń tómengi jalaqy mólsherin qanshaǵa arttyrýǵa bolatyny anyqtalady, – dedi ol.
Aıta keteıik, buǵan deıin eń tómengi jalaqyny kóterý týraly túpkilikti sheshim qashan qabyldanatynyn jazǵanbyz.
