Eń tómengi jalaqy 200 myń teńge shamasynda bolýy tıis - depýtat
Eń tómengi jalaqy mólsheri 200 myń teńge shamasynda bolýy kerek. Bul týraly Májilistiń jalpy otyrysynda úsh jylǵa arnalǵan respýblıkalyq bıýdjetti talqylaý kezinde depýtat Ashat Raqymjanov aıtty, dep habarlaıdy Kazinform.
«JSDP fraktsııasy 2024 jylǵa arnalǵan eń tómengi jalaqy men kúnkóris mınımýmynyń deńgeıimen kelispeıdi. Sonymen qatar, Jalpyulttyq sotsıal-demokratııalyq partııasy aı saıyn áleýmettik mańyzdaǵy azy-túlik ónimderine tıisti monıtorıng jasap keledi. Bizdiń esepteýler boıynsha ortasha alǵanda bir qazaqstandyq barlyq tabysynyń 55 paıyzyn azyq-túlikke jumsaıdy», - dedi A. Raqymjanov.
Onyń paıymynsha, eń tómengi jalaqyny birneshe ese kóterý kerek.
«Bizdińshe, Qazaqstanda eń tómengi jalaqy 200 myń teńge shamasynda bolýy tıis», - dedi depýtat.
Aıta keteıik, 2024 jylǵy 1 qańtardan bastap eń tómengi jalaqy mólsheri (budan ári – ETJ) 70 myń teńgeden 85 myń teńgege deıin ulǵaıtylady.
Budan buryn habarlanǵandaı, búgin Parlament Májilisiniń jalpy otyrysynda «2024 - 2026 jyldarǵa arnalǵan respýblıkalyq bıýdjet týraly» zańy qabyldady.
