Eń tártipti reıs: Ystanbuldan elordaǵa ushyp kelgen 104 jolaýshynyń bárinde PTR anyqtamasy bolǵan
NUR-SULTAN. QazAqparat – Qarasha aıynyń 5-nen 6-na qaraǵan túni elordanyń áýejaıyna Air Astana, Belavia, Turkish Airlines áýe kompanııalary oryndaǵan 4 reıs kelip qondy. Ol ushaqtarmen 529 jolaýshy kelip jetkenimen, 34-niń PTR test anyqtamasy bolmaǵan, dep habarlaıdy QazAqparat tilshisi áýejaıdyń baspasóz qyzmetine silteme jasap.
PTR testiden koronavırýs juqtyrmaǵany anyqtalsa 34 jolaýshy úıine qaıtarylady. Al indetke shaldyqqany belgili bolsa olar ınfektsııalyq statsıonarǵa jóneltiledi.
«Saǵat 05.54 kezinde elordanyń áýejaıyna ushyp kelgen ushaqtyń jolaýshylary «eń tártipti» reıs bolyp otyr. Ystanbul-Nur-Sultan reısimen kelgen 104 jolaýshynyń bárinde koronavırýs juqtyrmaǵany týraly PTR test anyqtamasy bolǵan», - dep habarlaıdy áýejaıdyń baspasóz qyzmetinen.
Aıta ketsek Shyǵys Qazaqstandaǵy epıdemıologııalyq ahýaldy turaqtandyrý maqsatynda Vedomstvoaralyq komıssııanyń tóraǵasy Eraly Toǵjanov birqatar shekteý sharasyn engizýdi tapsyrǵan edi. Atap aıtqanda 2 qarashadan bastap Óskemen men Nur-Sultan aralyǵyndaǵy reıster sany aptasyna 17-den 7-ge deıin qysqardy. Al Shyǵys Qazaqstannan poıyzben jáne ushaqpen shyqqan azamattarda mindetti túrde koronavırýs juqtyrmaǵanyn rastaıtyn PTR anyqtama bolýy tıis.
Nursultan Nazarbaev halyqaralyq áýejaıy memlekettik organdarmen birge koronavırýs ınfektsııasynyń aldyn alý úshin naqty sharalar keshenin júzege asyrýda:
● Jolaýshylar mindetti túrde termometrııadan ótýi kerek. Ol úshin teplovızorlyq smart-kameralar qoldanylady.
● Jolaýshylar termınalynda táýlik boıy sanıtarlyq-karantındik beket brıgadalary kezekshilikte júredi.
● Іshki jáne halyqaralyq reısterde ushý jáne qoný aýmaǵytarynda jolaýshylarǵa arnalǵan sanıtaızerler ornatylǵan.
● Jolaýshylardy tirkeý, sonymen qatar Nursultan Nazarbaev halyqaralyq áýejaıynyń aýmaǵynda 1,5 mterlik áleýmettik qashyqty qamtamasyz etý tártibi edende naqty syzbamen kórsetilgen.
● Áýejaıdyń ishki aýmaǵyn arnaıy dezınfektsııalyq quraldardy paıdalana otyryp, sanıtarlyq óńdeý jıiligi artty. Vırýsqa qarsy belsendilikke ıe antıseptık qoldanylady.
● Nursultan Nazarbaev halyqaralyq áýejaıyna keletin áýe kemeleriniń bári de dezınfektsııalyq óńdeýden ótedi. Sonymen qatar turaqty túrde jolaýshylarǵa qyzmet kórsetetin tehnıkada dezınfektsııalyq jumystar júrgiziledi.
● Koronavırýs ınfektsııasynyń taralýynyń aldyn alý boıynsha áýejaı qyzmetkerleri nusqaýlyq júrgizedi.
