Eń tabysty boksshylar reıtınginde Golovkınniń orny ózgermedi
ASTANA. QazAqparat - Forbes jýrnalynyń saıty salmaq dárejesine qaramaıtyn úzdik boksshylardyń arasyndaǵy eń tabystylary reıtıngisiniń jańa nusqasyn jarııalady (pound-for-pound), dep habarlaıdy Sports.kz .
Reıtıngte meksıkalyq Saýl Alvares kósh bastap tursa, ekinshi orynda qazaqstandyq orta salmaqtaǵy boksshy Gennadıı Golovkın, odan keıin brıtandyq Entonı Djoshýa tur.
«Golovkın aqyry óziniń eń tabysty aıqasyna - Alvarespen jekpe-jekke qol jetkizdi, sondaı-aq ústeme beriletin PPV satylymy men barlyq iltıpatqa ıe bolady. Golden Boy Promotions ıesi Oskar De La Hoııa bul aıqastyń PPV satylymynan 3 mıllıonǵa jýyq qarjy túsiretinine senimdi», - delingen jazbada.
