Eń tabysty aǵylshyntildi jazýshylarynyń tizimine belgisiz avtor endi
ASTANA. Jeltoqsannyń 15-i. QazAqparat - Ótken onjyldyqtaǵy eń tabysty aǵylshyntildi jazýshylardyń tizimine mektep kýrstarynyń túrli pánderi boıynsha oqý quraldaryn jazatyn, eshkimge belgisiz avtor Rıchard Parsons (Richard Parsons) endi,
dep habarlaıdy QazAqparat Lenta.rý saıtyna silteme jasap.Jańa esim The Bookseller jýrnaly ázirlegen reıtıngte besinshi orynnan tóbe kórsetti.
On jyl ishinde Parsons 9,3 mıllıonnan astam kitap satyp, 48,3 mıllıon fýnt sterlıng (78,2 mıllıon dollar) paıda tapqan. Eń tabysty jazýshylardyń tiziminde ol Djon Grıshem jáne Terrı Pratchett sııaqty avtorlardy artqa qaldyryp, tek Djoan Roýlıng ke, Den Braýn ǵa jáne tanymal balalar jazýshylary Rodjer Hargrıvz ben Jaklın Ýılsonǵa ǵana jol bergen.
43 jasar Parsonstyń mundaı tabysqa jetýiniń ózindik erekshelikteri bar: onyń aty-jóni kórsetilgen kitaptardyń barlyǵyn birdeı ol jazbaǵan (barlyǵy 600-ge jýyq). Másele, Parsonstyń budan 14 jyl buryn ózi negizin qalaǵan, kóptegen avtorlar kitaptaryn shyǵaratyn CGP Books baspasynyń onyń menshiginde bolǵandyǵynda. Oqýlyqtardy jazýdaǵy negizgi jumystardy osy avtorlardyń oryndaıtyndyǵyna qaramastan, Parsonstyń aty-jóni CGP Books shyǵarǵan árbir kitap muqabasynyń syrtqy jaǵyna jazylady.
Parsonstyń jeke ózi týraly aǵylshynnyń Kambrııa graftyǵyndaǵy týǵan qalasy Broýtonnan tys jerde is júzinde esh nárse belgisiz: ol tilshilerge suhbat bermeıdi jáne jurtshylyqtyń aldyna shyqpaıdy. Onyń sheshesi Hızer Parsonstyń The Daily Mail gazetine aıtqanyndaı, ulynyń eń tabysty jazýshylardyń tizimine engenin estigende, bul jaıdyń qyzyqty ekenin bildirip, tańdaıyn qaqqan. «Buǵan sensem buıyrmasyn. Men eshqashan ózimdi osynshalyqty tabysty jazýshymyn dep oılamappyn. Ómirimde birde-bir roman jazbasam, mundaı oı qaıdan kelsin», - dep aǵynan aqtarylypty anasyna ol.
Parsonstyń týystary men tanystarynyń aıtýynsha, aqsha oǵan eshqandaı da áser etpegen. 2008 jyly CGP Books baspasynyń aınalymy 15,3 mıllıon fýntty quraǵan; taza paıda - 1,3 mıllıon.
