Eń súıikti áje: Almatyda alǵash ret ájeler arasynda baıqaý ótti
Almaty ákimdiginiń málimetinshe, qalada alǵash ret 61 jastan asqan ájeler arasynda «Asyl Áje Almaty» saıysy uıymdastyrylǵan.
«Saıystyń maqsaty – jastardy tárbıeleý, qart adamdardyń qoǵamdyq is-sharalarǵa qatysýy, qarttarǵa qamqorlyq kórsetý, otbasylyq dástúr men urpaqtar sabaqtastyǵyn nyǵaıtý boldy», - dep habarlady ákimdik.
Saıysqa jıyny ár aýdandaǵy belsendi uzaq ómir súrý ortalyqtarynan 12 fınalıst tańdap iriktep alyndy. Baıqaý tórt kezeńnen turdy.
1-baıqaý «Súıikti ájem»– «Asyl áje» saıysy (úı tapsyrmasy). Qatysýshylardyń otbasy músheleri (balalary, nemereleri) otbasy jáne otbasylyq dástúrleri, óziniń ájesi týraly, onyń qyzyǵýshylyqtary jaıynda beınerolıkte aıtyp berdi.
Ádilqazy alqasy beınerolıktiń ereksheligi men týystarynyń qoldaýyn baǵalady.
2-baıqaý «Tamasha dám» — «Aspazdyq sheberlik» (úı tapsyrmasy). Árbir qatysýshy óz qolymen asty daıyndaý barysynda óziniń aspazdyq sheberligin kórsetti. Ádil qazylar alqasy astyń dámin, syrtqy túrin, ásemdigin baǵalady.
3-baıqaý «Ónerli áje» — «Shyǵarmashylyq baıqaý».
Munda qatysýshylar ózderiniń shyǵarmashylyq qabiletin ár túrli janrda: vokal, kórkem sóz oqý, bı bıleý jáne t.b. kórsetti. Ádilqazy alqasy sóz sóıleý sheberligin, oryndaý mánerin baǵalady.
4-baıqaý «Symbatty ájeler» — «Eń súıkimdi jáne tartymdy». Keshki sándi kóılekter kórsetý kezeńi.
Konkýrs qorytyndysy boıynsha 62 jastaǵy Gúlnár ájeı Qunanbaeva gran-prı ıegeri atandy.
Ol «Asyl Áje Almaty 2023» ataǵyn ıelenip, plazmalyq smart teledıdar jeńip aldy.
Saıysqa qatysqan basqa da ájeler nomınatsııa ıegerleri atanyp, bárine demeýshiler esebinen sertıfıkat, mıkrotolqyndy pesh, blender, basqa da baǵaly syılyqtar tabys etildi.
Sharany Almaty qalasynyń jumyspen qamtý jáne áleýmettik baǵdarlamalar basqarmasynyń qoldaýymen Almaty qalasynyń belsendi ómir ortalyǵy jáne Qazaqstan kompozıtorlar odaǵy uıymdastyrdy.
