Eń ózekti máseleler talqylanyp, sheshý joldary usynyldy – PІB Medortalyǵynyń Aqtóbedegi kúnderi

AQTÓBE. QazAqparat – QR Prezıdenti Іs Basqarmasyna qarasty Medıtsınalyq ortalyqtyń Aqtóbe qalasyndaǵy kúnderi aıasynda medıtsınanyń eń ózekti máseleleri talqylanyp, ony sheshý joldary usynyldy, dep habarlaıdy QazAqparat.

Іs-sharaǵa Astana, Almaty qalalarynan kelgen bilikti dárigerler qatysty. Úsh kún qatarynan ótken medıtsınalyq týr aıasynda Prezıdenttik klınıka dárigerleri 70-ke jýyq konsýltatsııalyq qabyldaý júrgizip, 14 naýqasqa operatsııa jasady. Qazirgi tańdaǵy medıtsınanyń eń ózekti máseleleri talqylanyp, ony sheshýdiń joldary usynyldy.

Týrdyń basty artyqshylyǵy mamandardyń qyzmetin keshendi uıymdastyrýynda boldy. Demek, is-shara barysynda turǵyndar statsıonar dárigeriniń ǵana emes, dıagnostıkalyq bólim mamandyrynyń da qyzmetine júginip, keńes aldy. Atap aıtar bolsaq, allergologııa ortalyǵynyń basshysy, bas allergolog-ımmýnolog G. Týsýpbekova, kardıohırýrg A. Toıbaev, onkolog N. Shanazarov naýqastardy qabyldady. Al, neırohırýrg M. Berdihodjaev pen arıtmolog R. Kamıev konsýltatsııalyq kómekpen qosa, 10-ǵa jýyq operatsııa jasady. Klınıkanyń bas genetıgi Gúlshara Abıldınova jergilikti mamandardyń qatysýymen sheberlik saǵatyn ótkizdi.

Foto: QR PІB Medıtsınalyq ortalyǵy