Eń nashar degende pandemııa bir jyldan keıin aıaqtalady – sarapshy

MÁSKEÝ. TASS-QazAqparat – Pandemııa jaqsy jaǵdaıda jarty jyldan keıin aıaqtalady, al nasharlaǵan jaǵdaıda bir jylǵa sozylýy múmkin. Bul týraly juma kúni TASS agenttigine Rospotrebnadzor Epıdemıologııa Ortalyq ǴZI dırektorynyń orynbasary Natalıa Pshenıchnaıa aıtty, dep habarlaıdy QazAqparat.

«Ótken jyldyń sáýirinde ǵalymdar jasaǵan matematıkalyq boljam pandemııanyń bir jarym-eki jylǵa sozylatynyn eskertken edi. Qazir osy boljamnyń rastalǵanyn kórip otyrmyz. Jaqsy jaǵdaıda pandemııa taǵy jarty jylǵa sozylýy múmkin. Nasharlanǵan jaǵdaıda pandemııa shamamen bir jyldan keıin aıaqtalady», - dedi ol.

Pshenıchnaıanyń oıynsha, eki boljamnyń qaısysy oryndalatyny vırýstyń taralmaýyn tejeý úshin barlyq talaptardy oryndap júrgen azamattardyń sanalylyǵyna baılanysty.

Pandemııa bastalǵan kezden beri álemde 129 mln adam koronavırýs juqtyrdy, 2,8 mln-nan astamy qaza boldy.