Eń meıirban da abzal eńbekterińiz úshin alǵys aıtamyn - vınıstr S. Qaıyrbekova
ASTANA. 15 maýsym. QazAqparat - Búgin Astanada elimizdiń bas dárigeri Salıdat Qaıyrbekova medıtsına qyzmetkerlerin quttyqtady.
Kongress Holl saraıynda ótken saltanatty jıynda mınıstr S. Qaıyrbekova barlyq qyzmettesterine qajymas eńbekteri úshin alǵysyn bildirdi.
«Bizdiń jumysymyzǵa qarap, Qazaqstan halqy eldegi medıtsınanyń sapasyn ǵana emes, jalpy bıliktiń jumysyn synaıdy. Men Sizderge kásibılikterińiz úshin, adal qyzmet etip, adamdardyń densaýlyǵy jolynda jasaǵan eń meıirban da abzal eńbekterińiz úshin alǵys aıtamyn», - dedi ol.
S. Qaıyrbekovanyń atap ótkenindeı, Memleket Basshysy el azamattarynyń densaýlyǵyn saqtaý salasyna úlken mán berip keledi. Memleket adamdarǵa ýaqytyly jáne sapaly medıtsınalyq kómek kórsetý salasyna barlyq jaǵdaılar jasaýda. 2005-2012 jyldar aralyǵynda medıtsınaǵa memlekettik bıýdjetten bólinetin qarjynyń kólemi 4 esege deıin ósken.
Eske sala keteıik, maýsymnyń sońǵy jeksenbisinde Qazaqstanda medıtsına qyzmetkerleriniń kúni merekesi atalyp ótiledi. Qazirgi ýaqytta respýblıkanyń medıtsına salasynda 65 myńnan astam dáriger men 150 myńǵa jýyq meıirbıke qyzmet isteýde.
